ფინანსური საქართველო

ლადო გურგენიძემ საქართველოს საბანკო სექტორში ”მოპიკირე ბომბდამშენის” სახელი, მის მიერ წარმოებული აგრესიული და ინოვაციური მენეჯმენტის წყალობით დაიმკვიდრა. აი, ახლაც - “სახალხო ბანკი” ბაზარზე კონკურენციას ამძაფრებს და 2010 წელს მომხმარებელს საქართველოში ანალოგის არმქონე პროდუქტს, ”მ7”, ანუ ”მშვიდ ანაბარს” სთავაზობს. ”მშვიდი ანაბრის” მფლობელებს, +0,1 პროცენტით მეტი დაერიცხება, ვიდრე სხვა 7 მსხვილ ბანკში 12 თვიან ვადიან ანაბარზე დაფიქისრებული მაქსიმალური საპროცენტო განაკვეთია. ამასთან, ”მშვიდი ანაბარი” ერთადერთი პროდუქტია, რომლის სარგებელიც ავტომატურად გაიზრდება იმ შემთხვევაში თუ საქართველოში არსებულ 7 მსხვილ ბანკს შორის 12 თვიან ვადიან ანაბარზე განახლებული საპროცენტო განაკვეთი დაფიქსირდა. თუმცა, ბაზარზე საპროცენტო განაკვეთების შემცირებისას ”მშვიდ ანაბარზე” განაკვეთი უცვლელი იქნება. ანაბრის გახსნა მინიმუმ 100 ლარით, დოლარით ან ევროთია შესაძლებელი, ვადიანობა კი 12 თვეა.

ჩვენი კომენტარი:

სხვანაირად, რომ ვთქვათ, ეს ”მშვიდი ანაბარი” იმიტომაც არის ”მშვიდი”, რომ იგი თავისით ედრება სხვა შვიდი ბანკის მიერ წარმოდგენილ ანაბრებს და თუ ხედავს, რომ რომელიმემ მას უკეთესი პირობებით აჯობა, - იქვე თავადაც იმატებს 0,1% სარგებელს ვიდრე იმ სხვას აქვს. იმ შემთხვევაში კი, თუ სხვა ანაბრებმა უკან დაიხია, - იგი უკან არ დაიხევს. ანაბრების სეგმენტს მართლაც ჭირდებოდა მეტი წახალისება და მიმზიდველობის გაზრდა და აი, ”სახალხო ბანკის” ამ ახალმა ინოვაციამაც არ დააყოვნა.

სიზუსტე, რომ დავიცვათ, აქვე თავად ”სახალხო ბანკისაგან”, დღეს მოწოდებულ ინფორმაციას უცვლელლად გაგაცნობთ:

”ნებისმიერ ფიზიკურ პირს ეძლევა შესაძლებლობა ისარგებლოს ,,საქართველოს სახალხო ბანკის” ინოვაციური პროდუქტით ,,მ7 ანაბარი”. აღნიშნული პროდუქტის უპირატესობას წარმოადგენს პირობა, რომლის მიხედვითაც მეანაბრეებს დაერიცხებათ საქართველოს ბაზარზე 7 მსხვილ და წარმატებულ ბანკს შორის 12 თვიან ვადიან ანაბარზე დაფიქსირებულ მაქსიმალურ საპროცენტო განაკვეთს +0.1%.

აღსანიშნავია, რომ ,,მ7 ანაბარი” არის ქართულ საბანკო ბაზარზე ერთადერთი პროდუქტი, რომლის სარგებელიც ავტომატურად გაიზრდება იმ შემთხვევაში, თუ საქართველოს 7 მსხვილ და წარმატებულ ბანკს შორის 12 თვიან ვადიან ანაბარზე დაფიქსირდა ახალი, უფრო მაღალი საპროცენტო განაკვეთი. ამგვარად მომხმარებელი ისარგებლებს მაღალი საპროცენტო განაკვეთითა და კომფორტით, რადგან არ დახარჯავს დროს საუკეთესო პირობების ძიებაში.

გამოიწერეთ ახალი ამბები ელ-ფოსტით,
ამისათვის დააწექით ზედა ლურჯ ბალიშს და ახალ ფანჯარაში მიუთითეთ თქვენი ელ-ფოსტა,
მხოლოდ ამის შემდეგ, აუცილებლად შეამოწმეთ თქვენი ელ-ფოსტა და მოსულ წერილში მითითებულ ბმულზე გადასვლით დაგვიდასტურეთ ( ! ) ხელმოწერა.